Чихэртэй давс

Би дурлаж үзлээ

2010-01-04T05:14:00.000-08:00

Би дурлаж үзлээ, Сонин л юм байна
Биеэр цахилгаан гүйх шиг хачин болж байна түүнийг харахаар
Бие байтугаа хэл хөшиж, үг олдохгүй үнэндээ зовлоо
Хажууд хаалга, хар нүх байвал
Харайж ороход бэлэн байлаа
Хацар шатаж, хөл хөшөөд
Хамгийн тэнэг байдалд анх удаа орлоо
Би дурлаж үзлээ, Сайхан юм байна
Нэг мэдэхнээ инээд алдан нисч явна тэнгэрт, яаж ирснээ санадаггүй ээ
Нэрээ ч мартаж орхиод, нэг л их жаргалтай хүн алхаад явах юм
Харагдах бүхэн өмнөхөөсөө хавьгүй өнгөлөг, үзэмжтэй
Хажуугаар зөрсөн хүмүүс хамгийн сайхан хүмүүс ч юм шиг
Уйлж гуних хэрэг алга аа, ямар сайхан юм бэ
Утга төгс ертөнцөд үүнээс сайхан зүйл байдаг гэж үү?
Би дурлаж үзлээ, Бэрхшээлтэй юм байна
Харахад нэг л амгалан сайхан эр хүн байсан тэр
Харьцаад ярилцаад үзлээ, ер нь давгүй эхэндээ
Ялихгүй зүйлд санал зөрлөө, зүрх минь өвдлөө,уйллаа
Ямар яршигтай юм бэ, надад бухимдал хэрэггүй ээ
Би өөрөө уцааргүй, хэн нэгэнтэй сөргөлдөх дургүй
Битүүхэндээ хайрладаг болохоор хүлцэхээр шийдлээ түүнийгээ
Би дурлаж үзлээ, Зовлон юм байна
Мэдээгүй ээ би, ийм хэцүү байдгийг, зүрх минь уйлна
Миний жаргал зуурдынх байж, хорвоогийн хормын зугаа нь болж
Тэнгэрлиг хайрын өмнө гуйлгачин болохоор шийдлээ, шаналахыг хүсээгүй
Тэгээд түүнээс гуйлаа, 7-хон үсэг, надад өгсөнгүй
Хамаг юм хараар будагдаж, орвонгоороо эргэв бүх зүйл
Хацраа хорстол уйлж, хайрын зовлонд нэрвэгдлээ
Би дурлаж үзлээ, Ганцхан шөнийн дотор
Үнэнч хайрын тухай үлгэр шиг кино үзээд уйлж сууснаа анзаарсангүй
Үлдэж ганцаар хоцорчээ, бүгд дуг нойрондоо дугжирч байхад
Үлгэрийн ханхүү шиг сайхан залууд зүрхээ алдчихаад
Үүлгэртэн гүйж явна би, түүнийгээ мөрөөдөн
Дурлал минь бүтсэнгүй, зүрх минь зогсох шиг л боллоо
Давхийн цочиж сэрлээ, бурхан минь зүүд байж
Нэг л шөнийн дотор гал халуун дурлалын баяр, жаргал, зовлонг амслаа
Нэг ч удаа мэдрээгүй ч би дурлаад үзчихлээ, Харамсах юм алга аа

Таалагдмаар байна

2009-12-25T21:28:00.000-08:00

Ямар халуун өдөр вэ, майктай халууцаад байх юм. Хүйтэн ус уусан чинь ёстой сайхан болж байна. Таалагдаж байна аа.
Би галзуурчихвал яах бол? Би хаа нэгтээ алсад одмоор байна. Хэн ч намайг шүүхгүй, хэн ч намайг дарамтлахгүй, хэнээс ч хамааралгүй би зөвхөн өөрөө өөртэйгөө. Өөр таних хүнгүй алсад өөрийгөө танимаар байна. Миний таньдаг Нараа их өрөвчхөн, эмнэг сургаж байгааг хараад адууг нь өрөвдөөд уйлчихдаг, эмзэг, найзынхаа халамцуудаа хэлсэн үгэнд гомдож гашуун усаар хацраа норгодог, ууртай, уурандаа дүүдээ хатуу үг хэлдэг, тэвчээртэй, хагалгаа хийлгэж байхдаа гол тасартал өвдсөн ч ганц ч удаа ёолоогүй, саваагүй, сонирхол татаад байхаар нь тамхи татаж үзсэн таалагдаж байснаа таалагдахаа больсон, за тэгээд цаашаа мэдээж зөндөө зүйл байгаа. Гэхдээ би яг хэн юм бэ?
Би залхуу, бодлогогүй, туйлбаргүй ер нь их үл бүтэх нөхөр.
Мэдээж төгс хүн гэж байхгүй. Харин төгст дөхсөн хүнийг бий болгож болно. Зарим хүмүүсийг зарим хүмүүс тийш хөтлөдөг. (тэнэг хүн дурлахаараа ухаантай болдог гэх мэтийн жишээгээр) Аа харин заримд нь туслах хүн байхгүй учраас өөрөө тийшээ зүтгээд дараа нь хэн нэгэнд газарчилна. Би зуны 3 сар буржгар үстнүүдэд орчуулагч хийж Монголынхоо хамгийн сайхан газруудаар аяладаг. Энэ ажилдаа дэндүү дуртай болохоор одоохондоо өрөөнд суудаг ажлаас зугтах байдалтай байгаа. Угаасаа газарчин хийдэг шахуу болхоор би өөрөө замыг нь судалж байгаад тэр төгөлдөрийн зам руу бусдад газарчилмаар байна.
Намайг мэддэг нэг ч хүнгүй, би ганцаараа тийм гэгээн алсын алсад одмоор байна. Өөрийгөө хайж олоод, дараа нь өөртөө бүр илүү таалагдаад алсын аянаас алжаалгүй ирнэ. Зүүдэндээ, амьсгалаараа хөөрч тийшээ явна. Би тийшээ ниснэ. Дараа нь хоёулаа ниснэ..., Тэгээд бүр олуулаа.

Таалагдна......,

Амьдралын нэг гэрэл

2009-12-24T22:20:00.000-08:00

Энэ дэлхий дээрх хүн гэгч амьтан хайрын ургамал, хайрын үргэлжлэл биш гэж үү?
Хайраар дутаж, хайрыг үгүйлж байгаа хүмүүс хамгийн хэцүү зовлонд унасан хүмүүс байдаг. Миний хувьд хэн нэгэн намайг хайрлахгуй хэн нэгний хувьд би чухал хүн биш байна гэдэг бол хэзээ ч төсөөлөшгүй, бүр төсөөлөхийг ч хүсэхгүй тийм аймшигтай зүйл.
20 настай охиноо балчир, гэнэн томоогүй нялх охин мэт хайрладаг ээжийнхээ хайрыг би дэргэд нь байхдаа ч санадаг. Ёстой л нөгөө хайртай хосууд хамт байхдаа хүртэл бие биенээ санадаг шиг.
Хайр гэдэг агуу хүчтэй зүйл. Тэр тусмаа эх хүний хайрыг юутай ч зүйрлэхийн аргагүй. Яруу найрагч П.Бадарчийн "Эх" шүлэгт өгүүлдэг шиг хүн болгоны хараал идэж хүн бүр үзэн ядаж байсан ч хамгийн эцсийн мөчид ч эх хүн л ганцаараа ногоон дарь эхийн дүртэй энэрч нигүүлссэн харцаар үрээ энхрийлэн хардаг. Харин эх хүний сэтгэлийг цөхөртөл амьдарсан хүнийг хүн гэж хэлэхэд хэцүү юм. Тэр хүн ямар ч ухамсраргүй, хайрыг мэдрэх хүчгүй, хувьгүйдээ л эх хүний сэтгэлийг угт нь тултал шаналгасан байж таараа.

Ямартаа ч эх хүний хайр хамгийн агуу хайр гэдгийг л би юу юунаас илүү сайн мэднэ, бас мэдэрсэн.

Харин хосуудын аз жаргалтай хайрыг одоохондоо өөрөө зүрх сэтгэлээрээ мэдэрч амжаагүй байгаа болхоор сайн мэдэхүй юм. Гэхдээ би энд та бүхэнтэй нэгэн хайрын түүхийг хуваалцахаар шийдлээ.
Жаргал гэж энгийн даруухан нэгэн охин байдаг. Хөдөөний бор охин ч хүчтэй, өөдрөг, сайхан сэтгэлтэй нэгэн. Аав ээжийнхээ их хайраар өлгийдүүлж эрх танхи, юугаар ч дуталгүй өссөн Жаргал 16 насандаа өөрөөсөө 5 насаар ах нэгэн хүнийг нууцхан хайрлаж явдаг байлаа. Үеийн охидын харц, сэтгэлийг булаасан Болдоо хэмээх тэр залуу даруухан, мэдлэгтэй, боловсролтой бас хүнлэг ер нь л сайхан эр хүний шинжийг цогцлоосон өндөр царайлаг хархүү. Жаргал ч бас балчир л болхоос үеийнхээ хөвгүүдээс захиа хурааж араасаа гүйлгэж түүлгэдэг сор болсон охин. Харин бяцхан зүрхэндээ өөрөө ч ичингүйрэн хайрладаг тэрхүү нандин хайр нь түүнийг ямар нүдээр хардаг бол...,

Нэгэн өдөр Жаргал барааны саван авахаар дэлгүүр рүү алхаж явтал өөдөөс нь хайрынх нь эзэн мишээсээр алхаж харагдав. Зүрх нь хүчтэй цохилон тэр дороо нам зогссноо ч мэдсэнгүй. Гэтэл тэр түүн рүү шууд чиглэн ирээд " За сайн уу? Сайхан амарч байна уу? Би чамтай юм ярих гээд л..., " хэмээн яриа өдөв. Гайхаж хоцорсон Жаргал дэмий л "Сайн, сайхан амарч байна уу?" гэж хариу асуув. Хайрын эзэнтэйгээ сольсон анхны үгс. Дотроо хачин их баярлав. Гэтэл Болдоо эргэж Жаргалтай хамт алхлаа. Энэ мөч гайхалтай хэрнээ бас балмагдмаар хачин байв. Оройжингоо Жаргалын гадаа юм ярьж суулаа. Болдоо түүнд сайн байсан. Анх 5-р ангид байхад чинь сайн болсон гэх зэрэг итгэхэд бэрхтэй ч сонсоход таатай олон зүйлс ярилаа. Жаргалыг 5-р ангид байхад Болдоо 10-р ангид байсан байж таарна. Тийм юм байж болох уу гэж олон өдөр Жаргал өөрөөсөө асуулаа. Эцэст нь үгүй гэсэн хариултыг бодож оллоо. Том болсон хөвгүүн тийм жаахан охиныг олж харна гэдэг худлаа.

Хүсч, хүлээж байсан хэрнээ өөрийн бодож байсан хариултандаа бат итгэн түүнийг өөрөөсөө шууд түлхэв. Болдоо тэр үед зуныхаа амралтаар ирсэн байсан юм. МУИС-нийн оюутан Болдоо " Чиний юу гэж бодох хамаагүй ээ, гэхдээ би чамд хайртай, энэ бол үнэн. Би чамайг хүлээнэ. " гэж хэлээд сургуульдаа одов. Ирэх зун хүртэл нь тэр ирсэнгүй. Энэ хугацаанд Жаргалын бодлоос ч гарсангүй. Энэ мэтээр Болд гуйж Жаргал зөрүүдлэсээр нэг мэдэхэд 3 жил болжээ. Болд анх оюутан болсноосоо хойш л Дарханы нэгэн хөөрхөн охинтой үерхэдэг байжээ.

Гэвч үнэн хайр нь Жаргалд. Жаргал түүний тухай мэддэг байсан болохоор адилхан эмэгтэй хүний зовлонгоор өөртөө жаргал хийхийг хүссэнгүй. Учир нь тэр бүсгүй нь Болдоод учиргүй сайн, бас ч сайхан бүсгүй байжээ. Ингээд зориг зүрх гарган Болдоод " Би тантай хэзээ ч үерхэхгүй ээ. Та намайг тайван орхи. Харин найз охиноо битгий гомдоогоорой. " гэж хэлчихээд гэртээ ирээд асгартал уйлав. Тэр цагаас хойш ахиад 2 жил өнгөрчээ. Болдоо нөгөөг бүсгүйтэгээ хамт амьдарч байгаа. Харин Жаргал урьдын адил залуусын зүрх сэтэгэлийг гижигдэн яваа ч одоо хэрнэ ганцаараа. Жаргал Болдоо, түүний найз бүсгүй 2 т чин сэтгэлээсээ аз жаргал хүсч ирээдүйн амьдралдаа итгэл дүүрэн алхална.

Түүнд энэ дэлхийн хамгийн сайхан хайр учирна гэдэгт тэр итгэлтэй, би ч бас итгэлтэй......,

Уншигч танаа

2009-12-22T17:05:00.000-08:00

Би бодлоо л до "Би ер нь хэн бэ?" гэж ирээд л. Тэгсэн явсаар байтал хэн ч биш болж таарлаа. За энэ бие нтр бол бүр хүнийх болоод явчлаа.
Би сүнс юм аа. Махан биеийг зээлж амьдарч байгаа сүнс. Бидний амьдрал яг үнэн хэрэгтээ төгсгөлгүй мэт. Мунхаг би андуурч байх магад. Гэхдээ бидний энэ дэлхий дээрхи яг өнөөгийн амьдрал бидний жинхэнэ амьдралын өчүүхэн нэгэн хэсэг нь.
Би хэдэн настайг хэн ч мэдэхгүй. Та ч мэдэхгүй. Таны насыг бол би бүр ч мэдэхгүй. Магадгүй бид дэндүү хөгшин байх.
Юу гээч? Нөгөө "Зэрэг нэмэхийн өмнө" кинон дээр гардаг шиг Би ч сүнс, Та ч сүнс, Бид бүгдээрээ сүнс. Миний жинхэнэ мөн чанар миний өнөөдөр чирээд эсвэл чирэгдээд явж байгаа энэ махан биенд бус Сүнс хэмээх 15гр хийд орших.
Би танд өртэй. Та надад өртэй. Та бид 2 хэн нэгэнд өртэй. Бид өртэй сүнснүүд. Урд насандаа ямар нэгэн үл бүтэх үйл хийснээс шууд хамааралтайгаар өнөөдөр би уйлж, тэр хэн нэгэн зүрхээ уран шанална. Бидний зовлон гэж нэрлэдэг сонин нөхөр чинь бидний өрийн төлөөс юм байна. Урд насандаа хэр хэмжээгээр сахилгагүйтснээс чинь хамаараад өнөөдөр таны нус нулимсны хэмжээ гарч ирнэ. Таны үйлийн үр тантай л холбоотой болхоор хэнд ч гомдоллоод нэмэр байхгүй гэж байгаа. Аа гэхдээ нэг юм байна. Танд буруу байхгүй гэж үзвэл таны эцэг эх болсон сүнснүүдэд хандаж нэг болох тал бий. Учир нь эцэг эхийн үүрэг хүлээсэн сүнснүүд туйлын муухай аашилваас тэдний өр төлөөсийг хүүхдүүдийнх нь сүнс төлөх нигууртай. Тийм болхоор хэрэв танд хэн нэгэн төлөх төлөөс үлдээгээгүй бол тэдэнд талархаад үр хүүхдийнхээ сүнсэнд төлөөс биш аваанз үлдээхийг чармайх нь зүйтэй.

Бид өмнөх амьдралдаа учиргүй сайн үйл хийгээгүй ч муу үйл бага хийснийхээ төлөө эдгээр махан биеэр энэ амьдралдаа шагнуулжээ гэж..., Өмнөх амьдралдаа ямар ч биетэй байсан юм билээ. Хонин гүрвэл ч байсан байж магадгүй юм би. Тэр одоо тийм чухал бус юм аа. Чухал нь дараагийн амьдралдаа ямархуу биетэй болох вэ гэдэг нь нэн тулгамдаад байна (энэ амьдрал дуусах арай л болоогүй байх л да, гэхдээ юмыг яаж мэдхэв гээд лам боовтой төрдөг шиг юмыг яжа мэдхэв гээд Залуухүн өр бага тавина гэж байгаа.)

Би ямар нэг шашны үзэл суртал түгээн дэлгэрүүлэгч биш л дэ. Гэхдээ зүгээр л өртэй хүмүүсийг хараад баахан шаналсны эцэст мунхаг ухаанаараа тунгаан бодсоны үр дүн нь энд хүрээд өндөрлөсийн. Магадгүй миний ухаан хүрэхгүй цаана нь байгаа өчөөн юмыг олоогүй ч байж болох. Гэхдээ ингээд дусахгүй л дэ. Миний галзуу солиотой гаргалгаанууд олон бий.

Зиа тэгээд Өрөө төл Өрөөл төл!!! Хэхэ. Өргүй нөхдүүд өр шир бага тавь! Ер нь бол өргүй амьдрах их амархан юм шиг ээ. Хүний биеийг олж төрснийх Хүн шиг амьдрахад л болно. Та хүн юм чинь Хүнээ л алдаж болохгүй...,